ಪರಮ ಸತ್ಯನೆ ಪುರುಷ ಗುಣಮಣಿ

ಪರಮ ಸತ್ಯನೆ ಪುರುಷ ಗುಣಮಣಿ
ಕಲಿಯ ಕಳೆಯುವ ಚರಣ ನಿನ್ನಯ
ನಿರುತ ಭಜಿಸದ ಕೃಪಣ ಎನಗೂ
ದೀನಬಂಧುವೆ ನೀನೆ ಶರಣು ||

ಭಕುತಿ ಭಜನೆ ತಪಗಳಿಂದಲೆ
ಮುಕುತಿ ಗಳಿಸುವ ಎಂದು ಅರಿತಿಹೆ |
ಯುಕುತಿ ನುಡಿದರು ನಂಬಿ ನಡೆಯದ
ಶಕುತಿಹೀನಗೆ ನೀನೆ ಶರಣು ||

ರಾಮಕೃಷ್ಣ! ನಿನ್ನ ಚರಣ
ರಾಗತೃಷ್ಣಾ-ಶಮನಕರಣ |
ಸತ್ಯಪಥನೇ ಮೃತ್ಯುಹರನೇ
ದೀನಬಂಧುವೆ ನೀನೆ ಶರಣು ||

ನಿನ್ನ ಪಾವನನಾಮ ಶುಭಕರ
ದುರಿತವಾರಕ ಸುಕೃತಿಕಾರಕ |
ಸ್ಥಾನವಿಲ್ಲದ ದೀನ ಎನಗೆ
ಮಾನವಾಶ್ರಯ ನೀನೆ ಶರಣು ||

(ʼಶ್ರೀರಾಮಕೃಷ್ಣ ಸ್ತೋತ್ರ'ದ ಭಾವಾನುವಾದ)