ಗೋವಿಂದ-ದಾಮೋದರ-ಸ್ತೋತ್ರದಿಂದ

ಅಗ್ರೇ ಕುರೂಣಾಮಥ ಪಾಂಡವಾನಾಂ
ದುಃಶಾಸನೇನಾಹೃತವಸ್ತ್ರಕೇಶ |
ಕೃಷ್ಣ ತದಾಕ್ರೋಶದನನ್ಯನಾಥಾ
ಗೋವಿಂದ ದಾಮೋದರ ಮಾಧವೇತಿ ||

ಶ್ರೀಕೃಷ್ಣ ವಿಷ್ಣೋ ಮಧುಕೈಟಭಾರೇ
ಭಕ್ತಾನುಕಂಪಿನ್ ಭಗವನ್ ಮುರಾರೇ |
ತ್ರಾಯಸ್ವ ಮಾಂ ಕೇಶವ ಲೋಕನಾಥ,
ಗೋವಿಂದ... ||

ಮಂದಾರಮೂಲೇ ವದನಾಭಿರಾಮಂ
ಬಿಂಬಾಧರೇ ಪೂರಿತವೇಣುನಾದಮ್ |
ಗೋಗೋಪಗೋಪೀಜನಮಧ್ಯಸಂಸ್ಥಂ,
ಗೋವಿಂದ... ||

ವಿಹಾಯ ನಿದ್ರಾಮರುಣೋದಯೇ ಚ
ವಿಧಾಯ ಕೃತ್ಯಾನಿ ಚ ವಿಪ್ರಮುಖ್ಯಾಃ |
ವೇದಾವಸಾನೇ ಪ್ರಪಠಂತಿ ನಿತ್ಯಂ,
ಗೋವಿಂದ... ||

ಸುಖಂ ಶಯಾನಾ ನಿಲಯೇ ನಿಜೇsಪಿ
ನಾಮಾನಿ ವಿಷ್ಣೋ ಪ್ರವದಂತಿ ಮರ್ತ್ಯಾಃ |
ತೇ ನಿಶ್ಚಿತಂ ತನ್ಮಯತಾಂ ವ್ರಜಂತಿ,
ಗೋವಿಂದ...||

ಆತ್ಯಂತಿಕವ್ಯಾಧಿಹರಂ ಜನಾನಾಂ
ಚಿಕಿತ್ಸಕಂ ವೇದವಿದೋ ವದಂತಿ |
ಸಂಸಾರತಾಪತ್ರಯನಾಶಬೀಜಂ,
ಗೋವಿಂದ...||

ಧ್ಯೇಯಃ ಸದಾ ಯೋಗಿಭಿರಪ್ರಮೇಯಃ
ಚಿಂತಾಹರಶ್ಚಿಂತಿತಪಾರಿಜಾತಃ |
ಕಸ್ತೂರಿಕಾಕಲ್ಪಿತನೀಲವರ್ಣೋ,
ಗೋವಿಂದ... ||

ಸಂಸಾರಕೂಪೇ ಪತಿತೋssತ್ಯಗಾಧೇ
ಮೋಹಾಂಧಪೂರ್ಣೇ ವಿಷಯಾಭಿತಪ್ತೇ |
ಕರಾವಲಂಬಂ ಮಮ ದೇಹಿ ವಿಷ್ಣೋ,
ಗೋವಿಂದ... ||

ಭಜಸ್ವ ಮಂತ್ರಂ ಭವಬಂಧಮುಕ್ತ್ಯೈ
ಜಿಹ್ವೇ ರಸಜ್ಞೇ ಸುಲಭಂ ಮನೋಜ್ಞಮ್
ದ್ವೈಪಾಯನಾದ್ಯೈರ್ಮುನಿಭಿಃ ಪ್ರಜಪ್ತಂ,
ಗೋವಿಂದ...||

ಸುಖಾವಸಾನೇ ತ್ವಿದಮೇವ ಸಾರಂ
ದುಃಖಾವಸಾನೇ ತ್ವಿದಮೇವ ಗೇಯಮ್ |
ದೇಹಾವಸಾನೇ ತ್ವಿದಮೇವ ಜಾಪ್ಯಂ,
ಗೋವಿಂದ...||

ನಾರಾಯಣಾನಂತ ಹರೇ ನೃಸಿಂಹ
ಪ್ರಹ್ಲಾದಬಾಧಾಹರ ಹೇ ಕೃಪಾಲೋ
ಜಿಹ್ವೇ ಪಿಬಸ್ವಾಮೃತಮೇತದೇವ,
ಗೋವಿಂದ...||

ಗೋವಿಂದ ಗೋವಿಂದ ಹರೇ ಮುರಾರೇ
ಗೋವಿಂದ ಗೋವಿಂದ ಮುಕುಂದ ಕೃಷ್ಣ |
ಗೋವಿಂದ ಗೋವಿಂದ ರಥಾಂಗಪಾಣೇ,
ಗೋವಿಂದ...||