ಅಂಬಾ ಸ್ತೋತ್ರಂ

ಕಾ ತ್ವಂ ಶುಭೇ ಶಿವಕರೇ ಸುಖದುಃಖಹಸ್ತೇ
ಆಘೂರ್ಣಿತಂ ಭವಜಲಂ ಪ್ರಬಲೋರ್ಮಿಭಂಗೈಃ ।
ಶಾಂತಿಂ ವಿಧಾತುಮಿಹ ಕಿಂ ಬಹುಧಾ ವಿಭಗ್ನಾಂ
ಮಾತಃ ಪ್ರಯತ್ನ ಪರಮಾಸಿ ಸದೈವ ವಿಶ್ವೇ ॥ ೧ ॥

ಸಂಪಾದಯತ್ಯವಿರತಂ ತ್ವವಿರಾಮವೃತ್ತಾ
ಯಾ ವೈ ಸ್ಥಿತಾ ಕೃತಫಲಂ ತ್ವಕೃತಸ್ಯ ನೇತ್ರೀ ।
ಸಾ ಮೇ ಭವತ್ವನುದಿನಂ ವರದಾ ಭವಾನೀ
ಜಾನಾಮ್ಯಹಂ ಧ್ರುವಮಿದಂ ಧೃತಕರ್ಮಪಾಶಾ ॥ ೨ ॥

ಕೋ ವಾ ಧರ್ಮಃ ಕಿಮಕೃತಂ ಕಃ ಕಪಾಲಲೇಖಃ
ಕಿಂವಾದೃಷ್ಟಂ ಫಲಮಹಾಸ್ತಿ ಹಿ ಯಾಂ ವಿನಾ ಭೋಃ ।
ಇಚ್ಛಾಪಾಶೈರ್ನಿಯಮಿತಾ ನಿಯಮಾಃ ಸ್ವತಂತ್ರೈಃ
ಯಸ್ಯಾ ನೇತ್ರೀ ಭವತು ಸಾ ಶರಣಂ ಮಮಾದ್ಯಾ ॥ ೩ ॥

ಸಂತಾನಯಂತಿ ಜಲಧಿಂ ಜನಿಮೃತ್ಯುಜಾಲಂ
ಸಂಭಾವಯಂತ್ಯವಿಕೃತಂ ವಿಕೃತಂ ವಿಭಗ್ನಮ್ ।
ಯಸ್ಯಾ ವಿಭೂತಯ ಇಹಾಮಿತಶಕ್ತಿಪಾಲಾಃ
ನಾಶ್ರಿತ್ಯ ತಾಂ ವದ ಕುತಃ ಶರಣಂ ವ್ರಜಾಮಃ ॥ ೪ ॥

ಮಿತ್ರೇ ಶತ್ರೌ ತ್ವವಿಷಮಂ ತವ ಪದ್ಮನೇತ್ರಂ
ಸ್ವಸ್ಥೇ ದುಸ್ಥೇ ತ್ವವಿತಥಂ ತವ ಹಸ್ತಪಾತಃ ॥
ಮೃತ್ಯುಚ್ಛಾಯಾ ತವದಯಾ ತ್ವಮೃತಂಚ ಮಾತಃ
ಮಾ ಮಾಂ ಮುಂಚಂತು ಪರಮೇ ಶುಭದೃಷ್ಟಯಸ್ತೇ ॥ ೫ ॥

ಕ್ವಾಂಬಾ ಸರ್ವಾ ಕ್ವ ಗಣನಂ ಮಮ ಹೀನಬುದ್ಧೇಃ
ಧರ್ತ್ಥುಂ ದೋರ್ಭ್ಯಾಮಿವ ಮತಿರ್ಜಗದೇಕಧಾತ್ರೀಂ
ಶ್ರೀಸಂಚಿಂತ್ಯಂ ಸುಚರಣಂ ಅಭಯ ಪ್ರತಿಷ್ಠಂ
ಸೇವಾಸಾರೈರಭಿನುತಂ ಶರಣಂ ಪ್ರಪದ್ಯೇ ॥ ೬ ॥

ಯಾ ಮಾಮಾಜನ್ಮ ವಿನಯತ್ಯತಿದುಃಖಮಾರ್ಗೈಃ ।
ಆಸಂಸಿದ್ಧೇಃ ಸ್ವಕಲಿತೈರ್ಲಲಿತೈರ್ವಿಲಾಸೈಃ
ಯಾ ಮೇ ಬುದ್ಧಿಂ ಸುವಿದಧೇ ಸತತಂ ಧರಣ್ಯಾಂ
ಸಾಂಬಾ ಸರ್ವಾ ಮಮ ಗತಿಃ ಸಫಲೇಫಲೇ ವಾ ॥ ೭ ॥