ಅಯ್ಯಪ್ಪ ಸುಪ್ರಭಾತ

ಶ್ರೀಕಂಠಪುತ್ರ ಹರಿನಂದನ ವಿಶ್ವಮೂರ್ತೇ
ಲೋಕೈಕನಾಥ ಕರುಣಾಕರ ಚಾರುಮೂರ್ತೇ |
ಶ್ರೀಕೇಶವಾತ್ಮಜ ಸುಮನೋಹರ ಸತ್ಯಮೂರ್ತೇ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೧ ||

ಶ್ರೀವಿಷ್ಣುರುದ್ರಸುತ ಮಂಗಳ ಕೋಮಲಾಂಗ
ದೇವಾಧಿದೇವ ಜಗದೀಶ ಸರೋಜನೇತ್ರ |
ಕಾಂತಾರವಾಸ ಸುರಮಾನವವೃಂದಸೇವ್ಯ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೨ ||

ಆಶಾನುರೂಪಫಲದಾಯಕ ಕಾಂತಮೂರ್ತೇ
ಈಶಾನಕೇಶವಸುತ ಮಣಿಕಂಠ ಸುದಿವ್ಯಮೂರ್ತೇ |
ಭಕ್ತೇಶ ಭಕ್ತಹೃದಯಸ್ಥಿತಭೂಮಿಪಾಲ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೩ ||

ಸತ್ಯಸ್ವರೂಪ ಸಕಲೇಶ ಗುಣಾರ್ಣವೇಶ
ಮರ್ತ್ಯಸ್ವರೂಪ ವರದೇಶ ರಮೇಶಸೂನೋ |
ಮುಕ್ತಿಪ್ರದ ತ್ರಿದಶರಾಜ ಮುಕುಂದಸೂನೋ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೪ ||

ಕಾಲಾರಿಪುತ್ರ ಮಹಿಷೀಮದನಾಶನ ಶ್ರೀ
ಕೈಲಾಸವಾಸ ಶಬರೀಶ್ವರ ಧನ್ಯಮೂರ್ತೇ |
ನೀಲಾಂಬರಾಭರಣಶೋಭಿತಸುಂದರಾಂಗ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೫ ||

ನಾರಾಯಣಾತ್ಮಜ ಪರಾತ್ಪರ ದಿವ್ಯರೂಪ
ವಾರಾಣಸೀಶಶಿವನಂದನ ಕಾವ್ಯರೂಪ |
ಗೌರೀಶಪುತ್ರ ಪುರುಷೋತ್ತಮ ಬಾಲರೂಪ
ಶ್ರೀಭೂತನಾಥ, ಭಗವಾನ್ ತವ ಸುಪ್ರಭಾತಂ || ೬ ||

ತ್ರೈಲೋಕ್ಯನಾಥ ಗಿರಿವಾಸ ವನೇನಿವಾಸ
ಭೂಲೋಕವಾಸ ಭುವನಾಧಿಪದಾಸ ದೇವ |
ವೇಲಾಯುಧಪ್ರಿಯಸಹೋದರ ಶಂಭುಸೂನೋ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೭ ||

ಆನಂದರೂಪ ಕರಧಾರಿತಚಾಪಬಾಣ
ಜ್ಞಾನಸ್ವರೂಪ, ಗುರುನಾಥ, ಜಗನ್ನಿವಾಸ |
ಜ್ಞಾನಪ್ರದಾಯಕ ಜನಾರ್ದನನಂದನೇಶ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೮ ||

ಅಂಭೋಜನಾಥಸುತ ಸುಂದರ ಧನ್ಯಮೂರ್ತೇ
ಶಂಭುಪ್ರಿಯಾಕಲಿತಪುಣ್ಯ ಪುರಾಣಮೂರ್ತೇ |
ಇಂದ್ರಾದಿದೇವಗಣವಂದಿತ ಬ್ರಹ್ಮಚಾರಿನ್
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೯ ||

ದೇವೇಶ ದೇವಗುಣಪೂರಿತ ಭಾಗ್ಯಮೂರ್ತೇ
ಶ್ರೀವಾಸುದೇವಸುತ ಪಾವನ ಭಕ್ತಬಂಧೋ |
ಸರ್ವೇಶ ಸರ್ವಮನುಜಾರ್ಚಿತ ದಿವ್ಯಮೂರ್ತೇ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೧೦ ||

ನಾರಾಯಣಾತ್ಮಜ ಸುರೇಶ ನರೇಶ ಭಕ್ತ-
ಲೋಕೇಶ ಕೇಶವಶಿವಾತ್ಮಜ ಭೂತನಾಥ |
ಶ್ರೀನಾರದಾದಿ ಮುನಿಪುಂಗವಪೂಜಿತೇಶ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೧೧ ||

ಆನಂದರೂಪ ಸುರಸುಂದರದೇಹಧಾರಿನ್
ಶರ್ವಾತ್ಮಜ ಶಬರೀಶ ಸುರಾಲಯೇಶ | ಸುಗರೀಶ
ನಿತ್ಯಾತ್ಮಸೌಖ್ಯವರದಾಯಕ ದೇವದೇವ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೧೨ ||

ಸರ್ವೇಶ ಸರ್ವಮನುಜಾರ್ಜಿತಸರ್ವಪಾಪ-
ಸಂಹಾರಕಾರಕ ಚಿದಾತ್ಮಕ ರುದ್ರಸೂನೋ |
ಸರ್ವೇಶ ಸರ್ವಗುಣಪೂರ್ಣಕೃಪಾಂಬುರಾಶೇ
ಶ್ರೀಭೂತನಾಥ ಭಗವನ್, ತವ ಸುಪ್ರಭಾತಂ || ೧೩ ||

ಓಂಕಾರರೂಪ ಜಗದೀಶ್ವರ ಭಕ್ತಬಂಧೋ
ಪಂಕೇರುಹಾಕ್ಷ ಪುರುಷೋತ್ತಮ ಕರ್ಮಸಾಕ್ಷಿನ್ |
ಮಾಂಗಲ್ಯರೂಪ ಮಣಿಕಂಠ ಮನೋಭಿರಾಮ
ಶ್ರೀಭೂತನಾಥ ಭಗವನ್ ತವ ಸುಪ್ರಭಾತಂ || ೧೪ ||