ಸಿದ್ಧ ಕುಂಜಿಕಾ ಸ್ತೋತ್ರಮ್

ಓಂ ಅಸ್ಯ ಶ್ರೀಕುಂಜಿಕಾಸ್ತೋತ್ರಮನ್ತ್ರಸ್ಯ ಸದಾಶಿವ ಋಷಿಃ, ಅನುಷ್ಟುಪ್ ಛನ್ದಃ,
ಶ್ರೀತ್ರಿಗುಣಾತ್ಮಿಕಾ ದೇವತಾ, ಓಂ ಐಂ ಬೀಜಂ, ಓಂ ಹ್ರೀಂ ಶಕ್ತಿಃ, ಓಂ ಕ್ಲೀಂ ಕೀಲಕಮ್,
ಮಮ ಸರ್ವಾಭೀಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಶಿವ ಉವಾಚ
ಶೃಣು ದೇವಿ ಪ್ರವಕ್ಷ್ಯಾಮಿ ಕುಂಜಿಕಾಸ್ತೋತ್ರಮುತ್ತಮಮ್ ।
ಯೇನ ಮನ್ತ್ರಪ್ರಭಾವೇಣ ಚಣ್ಡೀಜಾಪಃ ಶುಭೋ ಭವೇತ್ ॥ 1 ॥

ನ ಕವಚಂ ನಾರ್ಗಲಾಸ್ತೋತ್ರಂ ಕೀಲಕಂ ನ ರಹಸ್ಯಕಮ್ ।
ನ ಸೂಕ್ತಂ ನಾಪಿ ಧ್ಯಾನಂ ಚ ನ ನ್ಯಾಸೋ ನ ಚ ವಾರ್ಚನಮ್ ॥ 2 ॥

ಕುಞ್ಜಿಕಾಪಾಠಮಾತ್ರೇಣ ದುರ್ಗಾಪಾಠಫಲಂ ಲಭೇತ್ ।
ಅತಿ ಗುಹ್ಯತರಂ ದೇವಿ ದೇವಾನಾಮಪಿ ದುರ್ಲಭಮ್ ॥ 3 ॥

ಗೋಪನೀಯಂ ಪ್ರಯತ್ನೇನ ಸ್ವಯೋನಿರಿವ ಪಾರ್ವತಿ ।
ಮಾರಣಂ ಮೋಹನಂ ವಶ್ಯಂ ಸ್ತಮ್ಭನೋಚ್ಚಾಟನಾದಿಕಮ್ ।
ಪಾಠಮಾತ್ರೇಣ ಸಂಸಿದ್ಧ್ಯೇತ್ ಕುಞ್ಜಿಕಾಸ್ತೋತ್ರಮುತ್ತಮಮ್ ॥ 4 ॥

ಅಥ ಮನ್ತ್ರಃ ।
ಓಂ ಐಂ ಹ್ರೀಂ ಕ್ಲೀಂ ಚಾಮುಣ್ಡಾಯೈ ವಿಚ್ಚೇ ।
ಓಂ ಗ್ಲೌಂ ಹುಂ ಕ್ಲೀಂ ಜೂಂ ಸಃ ಜ್ವಾಲಯ ಜ್ವಾಲಯ ಜ್ವಲ ಜ್ವಲ ಪ್ರಜ್ವಲ ಪ್ರಜ್ವಲ
ಐಂ ಹ್ರೀಂ ಕ್ಲೀಂ ಚಾಮುಣ್ಡಾಯೈ ವಿಚ್ಚೇ ಜ್ವಲ ಹಂ ಸಂ ಲಂ ಕ್ಷಂ ಫಟ್ ಸ್ವಾಹಾ ॥ 5 ॥
ಇತಿ ಮನ್ತ್ರಃ ।

ನಮಸ್ತೇ ರುದ್ರರೂಪಿಣ್ಯೈ ನಮಸ್ತೇ ಮಧುಮರ್ದಿನಿ ।
ನಮಃ ಕೈಟಭಹಾರಿಣ್ಯೈ ನಮಸ್ತೇ ಮಹಿಷಾರ್ದಿನಿ ॥ 6 ॥

ನಮಸ್ತೇ ಶುಮ್ಭಹನ್ತ್ರ್ಯೈ ಚ ನಿಶುಮ್ಭಾಸುರಘಾತಿನಿ ।
ಜಾಗ್ರತಂ ಹಿ ಮಹಾದೇವಿ ಜಪಂ ಸಿದ್ಧಂ ಕುರುಷ್ವ ಮೇ ॥ 7 ॥

ಐಙ್ಕಾರೀ ಸೃಷ್ಟಿರೂಪಾಯೈ ಹ್ರೀಙ್ಕಾರೀ ಪ್ರತಿಪಾಲಿಕಾ ।
ಕ್ಲೀಙ್ಕಾರೀ ಕಾಮರೂಪಿಣ್ಯೈ ಬೀಜರೂಪೇ ನಮೋಽಸ್ತು ತೇ ॥ 8 ॥

ಚಾಮುಣ್ಡಾ ಚಣ್ಡಘಾತೀ ಚ ಯೈಕಾರೀ ವರದಾಯಿನೀ ।
ವಿಚ್ಚೇ ಚಾಭಯದಾ ನಿತ್ಯಂ ನಮಸ್ತೇ ಮನ್ತ್ರರೂಪಿಣಿ ॥ 9 ॥

ಧಾಂ ಧೀಂ ಧೂಂ ಧೂರ್ಜಟೇಃ ಪತ್ನೀ ವಾಂ ವೀಂ ವೂಂ ವಾಗಧೀಶ್ವರೀ ।
ಕ್ರಾಂ ಕ್ರೀಂ ಕ್ರೂಂ ಕಾಲಿಕಾ ದೇವಿ ಶಾಂ ಶೀಂ ಶೂಂ ಮೇ ಶುಭಂ ಕುರು ॥ 10 ॥

ಹುಂ ಹುಂ ಹುಙ್ಕಾರರೂಪಿಣ್ಯೈ ಜಂ ಜಂ ಜಂ ಜಮ್ಭನಾದಿನೀ ।
ಭ್ರಾಂ ಭ್ರೀಂ ಭ್ರೂಂ ಭೈರವೀ ಭದ್ರೇ ಭವಾನ್ಯೈ ತೇ ನಮೋ ನಮಃ ॥ 11 ॥

ಅಂ ಕಂ ಚಂ ಟಂ ತಂ ಪಂ ಯಂ ಶಂ ವೀಂ ದುಂ ಐಂ ವೀಂ ಹಂ ಕ್ಷಮ್ ।
ಧಿಜಾಗ್ರಂ ಧಿಜಾಗ್ರಂ ತ್ರೋಟಯ ತ್ರೋಟಯ ದೀಪ್ತಂ ಕುರು ಕುರು ಸ್ವಾಹಾ ॥ 12 ॥

ಪಾಂ ಪೀಂ ಪೂಂ ಪಾರ್ವತೀ ಪೂರ್ಣಾ ಖಾಂ ಖೀಂ ಖೂಂ ಖೇಚರೀ ತಥಾ ।
ಸಾಂ ಸೀಂ ಸೂಂ ಸಪ್ತಶತೀ ದೇವ್ಯಾ ಮನ್ತ್ರಸಿದ್ಧಿಂ ಕುರುಷ್ವ ಮೇ ॥ 13 ॥

ಕುಂಜಿಕಾಯೈ ನಮೋ ನಮಃ ।

ಇದಂ ತು ಕುಞ್ಜಿಕಾಸ್ತೋತ್ರಂ ಮನ್ತ್ರಜಾಗರ್ತಿಹೇತವೇ ।
ಅಭಕ್ತೇ ನೈವ ದಾತವ್ಯಂ ಗೋಪಿತಂ ರಕ್ಷ ಪಾರ್ವತಿ ॥ 14 ॥

ಯಸ್ತು ಕುಞ್ಜಿಕಯಾ ದೇವಿ ಹೀನಾಂ ಸಪ್ತಶತೀಂ ಪಠೇತ್ ।
ನ ತಸ್ಯ ಜಾಯತೇ ಸಿದ್ಧಿರರಣ್ಯೇ ರೋದನಂ ಯಥಾ ॥ 15 ॥

ಇತಿ ಶ್ರೀರುದ್ರಯಾಮಲೇ ಗೌರೀತನ್ತ್ರೇ ಶಿವಪಾರ್ವತೀಸಂವಾದೇ ಕುಞ್ಜಿಕಾಸ್ತೋತ್ರಂ ಸಮ್ಪೂರ್ಣಮ್ ।