ಸ್ವಾಮಿ ವಿವೇಕಾನಂದ ಸುಪ್ರಭಾತಂ
Category: ಶ್ರೀಸ್ವಾಮಿ ವಿವೇಕಾನಂದ
Author: ಸ್ವಾಮಿ ಜೀವಾನಂದ
ಹೇ ಪ್ರೇಷ್ಠನಾಥ ಸುಮಹನ್ ಯುಗಶಕ್ತಿಧಾರಿನ್
ಹೇ ನಿತ್ಯಮುಕ್ತ ಸತತಂ ಹಿ ಮಹಾವರೇಣ್ಯ |
ಆನಂದರೂಪ ಭುವಿ ವೈ ಜನಮುಗ್ಧಕಾರಿನ್
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ || ೧ ॥
ಹೇ ಬುದ್ಧ ಶಾಶ್ವತವಿವೇಕ ಸುಬೋಧದಾಯಿನ್
ಸತ್ಯಾಶ್ರಯಿನ್ ಜನಗಣೇ ಪಥಿದಾನಕಾರಿನ್।
ಹೇ ಮುಕ್ತ ಸರ್ವಜನಮುಕ್ತಿ ವಿಧಾನಕಾರಿನ್
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ |। ೨ ॥
ಭಕ್ತಿಶ್ಚ ತೇ ಸುವಿದಿತಾ ಭುವಿ ರಾಮಕೃಷ್ಣೇ
ಶ್ರೀರಾಮಕೃಷ್ಣಹೃದಿ ಹೇ ಸುಕೃತಾಧಿಕಾರ |
ಹೇ ಮಾತೃಭಕ್ತ ಪೃಥಿವೀವಿಜಯೀ ಧ್ರುವಂ ತ್ವಂ
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ ॥ ೩ ॥
ಹೇ ಶುದ್ಧ ಪೂತ ಭುವನೇ ಶುಚಿತಾವಿಧಾತೋ
ರಿಕ್ತಾರ್ತಪೀಡಿತಜನೇಶ್ವರ ಬುದ್ಧಿಕಾರಿನ್ |
ನಿತ್ಯಂ ಕೃಪಾಮಹಿತಹೃತ್ ಪರದುಃಖಹಾರಿನ್
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ || ೪ ॥
ಮಾಯಾವಿಹೀನ ಭುವಿ ನೋ ನಯ ಮೋಹಪಾರೇ
ತ್ವಂ ಜಾಗೃತೋ ಹಿ ಸತತಂ ಜನಮುಕ್ತಿದಾರಿನ್ |
ಜಾಗರ್ತಿ ಮಾನವಗಣಸ್ತವ ಸುಪ್ರಭಾವೈಃ
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ || ೫ ||
ಸಂಸಾರಪಾರ ಕಮಲಾಕ್ಷ ಸುಕರ್ಮಕಾರಿನ್
ನಿತ್ಯಂ ವಿವೇಕಮತಿಶಕ್ತಿ ವಿಧಾನದಕ್ಷ |
ಹೇ ಬುದ್ಧ ಜಾಗರಯ ನಃ ಸುಮತಿಂ ವಿವೇಕಂ
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ || ೬ ॥
ಸಂತಪ್ತ ಮಾನವಗಣೇಷು ಮಹಾಕೃಪಾ ತೇ
ಪ್ರಜ್ಞಾವತಾಮಪಿ ಹಿತೇ ಮಹನೀಯಪ್ರಜಾ |
ಸೂರ್ಯಪ್ರಭಸ್ತ್ವಮಪಿ ತೇ ಕಮನೀಯಕಾಂತಿಃ
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ || ೭ ||
ಆನಂದಸುಂದರ ಹಿ ಶಾಂತ ವಿವೇಕಮೂರ್ತೇ
ಧೀರಾಪ್ಯನುತ್ತಮಗತಿಸ್ತವ ಕರ್ಮಶಕ್ತಿಃ।
ವೀರೇಶ್ವರೋSಸಿ ಶಿವ ಹೇ ಚ ಶಿವತ್ವದಾಯಿನ್
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ || ೮ ||
ನ್ಯಾಸಿನ್ ನರೋತ್ತಮ ಪವಿತ್ರ ನರೇಂದ್ರನಾಥ
ಶ್ರೀರಾಮಕೃಷ್ಣ ಕರುಣಾ ಹಿ ಸದಾ ತ್ವಯಾಪ್ತಾ।
ಸಂನ್ಯಾಸ್ಯಸಿ ತ್ವಮಸಿ ತೇ ಪರದುಃಖ ಸೇವಾ
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ || ೯ ||
ಹೇ ಸತ್ಯ ಹೇ ಸಕಲಮೋಹತಮೋವಿನಾಶಿನ್
ತೇಜೋSಸಿ ದೇಹಿ ಸತತಂ ಹ್ಯಮಿತಂ ಸುತೇಜಃ।
ಹೇ ಶ್ರೇಷ್ಠ ಜಾಗರಯ ನಃ ಶಮದೈರ್ನಿನಾದೈಃ
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ ।।೧೦।||
ಹೇ ದೇಶಪ್ರೇಮಿಕ ಚ ಜಾತಸುವಿಶ್ವಪ್ರೇಮ
ಬ್ರಹ್ಮಜ್ಞಹೇ ವಿದಿತಮರ್ಮ ಸಮಗ್ರ ವಿಶ್ವ
ಬ್ರಹ್ಮನ್ ಮಹಾಪುರುಷ ಜಾಗೃಹಿ ದೇವ ನಿತ್ಯಂ
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ ।। ೧೧ ।।
ನಿಸ್ವಾರ್ಥ ಹೇ ಕಮಲನೇತ್ರ ಮಹಾಸಮುದ್ರ
ಸ್ನಿಗ್ಧಂ ವಿಶಾಲಹೃದಯಂ ಹಿ ತವೇತಿ ಜಾನೇ।
ಯೋಗ್ಯಾನ್ ನರಾನ್ ಹಿ ಕುರು ನಃ ಸಕಲಾಂಶ್ಚ ಪೃಥ್ವಾ
ವಿಶ್ವಸ್ಯ ವೀರ ಸುಯತೇ ತವ ಸುಪ್ರಭಾತಮ್ || ೧೨ ||
ಶ್ರೀರಾಮಕೃಷ್ಣ ಚರಿತೇ ನಿತರಾಂ ಹಿ ಮುಗ್ಧಃ
ಶ್ರೀರಾಮಕೃಷ್ಣ ಮನನೇ ಸ್ಥಿತಧೀಃ ಸದಾ ತ್ವಮ್ |
ಶ್ರೀರಾಮಕೃಷ್ಣ ಮನನೇಷು ಮುದಸ್ತ್ವಯಾಪ್ತಾಃ
ಶ್ರೀರಾಮಕೃಷ್ಣಮಯ ಹೇ ತವ ಸುಪ್ರಭಾತಮ್|| ೧೩ ||
Advertisements
