ಅಪರಾಧಕ್ಷಮಾಪಣಸ್ತೋತ್ರಂ

ಅಪರಾಧಶತಂ ಕೃತ್ವಾ ಜಗದಂಬೇತಿ ಚೋಚ್ಚರೇತ್।
ಯಾಂ ಗತಿಂ ಸಮವಾಪ್ನೋತಿ ನ ತಾಂ ಬ್ರಹ್ಮಾದಯಃ ಸುರಾಃ ॥ ೧ ॥

ಸಾಪರಾಧೋಽಸ್ಮಿ ಶರಣಾಂ ಪ್ರಾಪ್ತಸ್ತ್ವಾಂ ಜಗದಂಬಿಕೇ।
ಇದಾನೀಮನುಕಂಪ್ಯೋಽಹಂ ಯಥೇಚ್ಛಸಿ ತಥಾ ಕುರು ॥ ೨ ॥

ಅಜ್ಞಾನಾದ್ವಿಸ್ಮೃತೇಭ್ರಾಂತ್ಯಾ ಯನ್ನ್ಯೂನಮಧಿಕಂ ಕೃತಂ।
ತತ್ಸರ್ವ ಕ್ಷಮ್ಯತಾಂ ದೇವಿ ಪ್ರಸೀದ ಪರಮೇಶ್ವರೀ ॥ ೩ ॥

ಕಾಮೇಶ್ವರೀ ಜಗನ್ಮಾತಾಃ ಸಚ್ಚಿದಾನಂದವಿಗ್ರಹೇ।
ಗೃಹಾಣಾರ್ಚಾಮಿಮಾಂ ಪ್ರೀತ್ಯಾ ಪ್ರಸೀದ ಪರಮೇಶ್ವರೀ ॥ ೪ ॥

ಸರ್ವರೂಪಮಯೀ ದೇವೀ ಸರ್ವಂ ದೇವೀಮಯಂ ಜಗತ್।
ಅತೋಽಹಂ ವಿಶ್ವರೂಪಾಂ ತ್ವಾಂ ನಮಾಮಿ ಪರಮೇಶ್ವರೀಂ ॥ ೫ ॥

ಯದಕ್ಷರಂ ಪರಿಭ್ರಷ್ಟಂ ಮಾತ್ರಾಹೀನಂ ಚ ಯದ್ಭವೇತ್ ।
ಪೂರ್ಣಂ ಭವತು ತತ್ಸರ್ವಂ ತ್ವತ್ಪ್ರಸಾದಾನ್ಮಹೇಶ್ವರಿ ॥ ೬ ॥

ಯದತ್ರ ಪಾಠೇ ಜಗದಮ್ಬಿಕೇ ಮಯಾ
ವಿಸರ್ಗಬಿನ್ದ್ವಕ್ಷರಹೀನಮೀರಿತಮ್ ।
ತದಸ್ತು ಸಮ್ಪೂರ್ಣತಮಂ ಪ್ರಸಾದತಃ
ಸಙ್ಕಲ್ಪಸಿದ್ಧಿಶ್ವ ಸದೈವ ಜಾಯತಾಮ್ ॥ ೭ ॥

ಯನ್ಮಾತ್ರಾಬಿಂದುಬಿಂದುದ್ವಿತಯಪದಪದದ್ವಂದ್ವವರ್ಣಾದಿಹೀನಂ
ಭಕ್ತ್ಯಾಭಕ್ತ್ಯಾನುಪೂರ್ವಂ ಪ್ರಸಭಕೃತಿವಶಾತ್ ವ್ಯಕ್ತ್ತಮವ್ಯಕ್ತ್ತಮಂಬ ।
ಮೋಹಾದಜ್ಞಾನತೋ ವಾ ಪಠಿತಮಪಠಿತಂ ಸಾಂಪ್ರತಂ ತೇ ಸ್ತವೇಽಸ್ಮಿನ್
ತತ್ಸರ್ವಂ ಸಾಙ್ಗಮಾಸ್ತಾಂ ಭಗವತಿ ವರದೇ ತ್ವತ್ಪ್ರಸಾದಾತ್ ಪ್ರಸೀದ ॥ ೮॥

ಪ್ರಸೀದ ಭಗವತ್ಯಂಬ ಪ್ರಸೀದ ಭಕ್ತವತ್ಸಲೇ ।
ಪ್ರಸಾದಂ ಕುರು ಮೇ ದೇವಿ ದುರ್ಗೇ ದೇವಿ ನಮೋಽಸ್ತು ತೇ ॥ ೯॥

॥ ಇತಿ ಅಪರಾಧಕ್ಷಮಾಪಣಸ್ತೋತ್ರಂ ಸಮಾಪ್ತಮ್॥