ಉಪನಿಷತ್ಸಾರಸಂಗ್ರಹಃ

ಓಂ ಸ॒ಹ ನಾ॑ವವತು | ಸ॒ಹ ನೌ॑ ಭುನಕ್ತು | ಸ॒ಹ ವೀ॒ರ್ಯಂ॑ ಕರವಾವಹೈ | ತೇ॒ಜ॒ಸ್ವಿನಾ॒ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ | ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ||

ಓಂ ಬ್ರ॒ಹ್ಮ॒ವಿದಾ॑ಪ್ನೋತಿ॒ ಪರಂ᳚ | ತದೇ॒ಷಾಽಭ್ಯು॑ಕ್ತಾ | ಸ॒ತ್ಯಂ ಜ್ಞಾ॒ನಮ॑ನಂ॒ತಂ ಬ್ರಹ್ಮ॑ | ಯೋ ವೇ॑ದ॒ ನಿಹಿ॑ತಂ॒ ಗುಹಾ॑ಯಾಂ ಪರ॒ಮೇ ವ್ಯೋ॑ಮನ್ | ಸೋ᳚ಽಶ್ನುತೇ॒ ಸರ್ವಾ॒ನ್ ಕಾಮಾ᳚ನ್ಸ॒ಹ | ಬ್ರಹ್ಮ॑ಣಾ ವಿಪ॒ಶ್ಚಿತೇತಿ॑ | ತಸ್ಮಾ॒ದ್ವಾ ಏ॒ತಸ್ಮಾ॑ದಾ॒ತ್ಮನ॑ ಆಕಾ॒ಶಃ ಸಂಭೂ॑ತಃ | ಆ॒ಕಾ॒ಶಾದ್ವಾ॒ಯುಃ | ವಾಯ್॒ಓರ॒ಗ್ನಿಃ | ಅ॒ಗ್ನೇರಾಪಃ॑ | ಅ॒ದ್ಭ್ಯಃ ಪೃ॑ಥಿ॒ವೀ | ಪೃ॒ಥಿ॒ವ್ಯಾ ಓಷ॑ಧಯಃ | ಓಷ॑ಧೀ॒ಭ್ಯೋನ್ನಂ᳚ | ಅನ್ನಾ॒ತ್ಪುರು॑ಷಃ | ಸ ವಾ ಏಷ ಪುರುಷೋಽನ್ನ॑ರಸ॒ಮಯಃ | ತಸ್ಯೇದ॑ಮೇವ॒ ಶಿರಃ | ಅಯಂ ದಕ್ಷಿ॑ಣಃ ಪ॒ಕ್ಷಃ | ಅಯಮುತ್ತ॑ರಃ ಪ॒ಕ್ಷಃ | ಅಯಮಾತ್ಮಾ᳚ | ಇದಂ ಪುಚ್ಛಂ॑ ಪ್ರತಿ॒ಷ್ಠಾ | ತದಪ್ಯೇಷ ಶ್ಲೋ॑ಕೋ ಭ॒ವತಿ ||