ಕಾಲೀ ಶಾಂತಿಸ್ತೋತ್ರಂ

ಕಾಲೀ ಕಾಲೀ ಮಹಾಕಾಲಿ ಕಾಲಿಕೇ ಪಾಪಹಾರಿಣಿ |
ಧರ್ಮಮೋಕ್ಷಪ್ರದೇ ದೇವಿ ಗುಹ್ಯಕಾಲಿ ನಮೋಽಸ್ತುತೇ || ೧||

ಸಂಗ್ರಾಮೇ ವಿಜಯಂ ದೇಹಿ ಧನಂ ದೇಹಿ ಸದಾ ಗೃಹೇ |
ಧರ್ಮಕಾಮಾರ್ಥಸಂಪತ್ತಿಂ ದೇಹಿ ಕಾಲಿ ನಮೋಽಸ್ತುತೇ || ೨||

ಉಲ್ಕಾಮುಖಿ ಲಲಜ್ಜಿಹ್ವೇ ಘೋರರಾವೇ ಭಗಪ್ರಿಯೇ |
ಶ್ಮಶಾನವಾಸಿನಿ ಪ್ರೇತೇ ಶವಮಾಂಸಪ್ರಿಯೇಽನಘೇ || ೩||

ಅರಣ್ಯ ಚಾರಿಣಿ ಶಿವೇ ಕುಲದ್ರವ್ಯಮಯೀಶ್ವರಿ |
ಪ್ರಸನ್ನಾಭವ ದೇವೇಶಿ ಭಕ್ತಸ್ಯ ಮಮ ಕಾಲಿಕೇ || ೪||

ಶುಭಾನಿ ಸಂತು ಕೌಲಾನಾಂ ನಶ್ಯಂತು ದ್ವೇಷಕಾರಕಾಃ |
ನಿಂದಾಕರಾ ಕ್ಷಯಂ ಪಾಂತುಯೇ ಚ ಹಾಸ್ಯ ಪ್ರಕುರ್ವತೇ || ೫||

ಯೇ ದ್ವಿಷಂತಿ ಜುಗುಪ್ಸಂತೇ ಯೇ ನಿಂದಂತಿ ಹಸಂತಿ ಯೇ |
ಯೇಽಸೂಯಂತೇ ಚ ಶಂಕಂತೇ ಮಿಥ್ಯೇತಿ ಪ್ರವದಂತಿ ಯೇ || ೬||

ತೇ ಡಾಕಿನೀಮುಖೇ ಯಾಂತು ಸದಾರಸುತಬಾಂಧವಾಃ |
ಪಿಬತ್ವಂ ಶೋಣಿತಂ ತಸ್ಯ ಚಾಮುಂಡಾ ಮಾಂಸಮತ್ತು ಚ || ೭||

ಆಸ್ಥೀನಿಚರ್ವಯಂತ್ವಸ್ಯ ಯೋಗಿನೀ ಭೈರವೀಗಣಾಃ |
ಯಾನಿಂದಾಗಮತಂತ್ರಾದೌ ಯಾ ಶಕ್ತಿಷು ಕುಲೇಷು ಯಾ || ೮||

ಕುಲಮಾರ್ಗೇಷು ಯಾ ನಿಂದಾ ಸಾ ನಿಂದಾ ತವ ಕಾಲಿಕೇ |
ತ್ವನ್ನಿಂದಾಕಾರಿಣಾಂ ಶಾಸ್ತ್ರೀ ತ್ವಮೇವ ಪರಮೇಶ್ವರಿ || ೯||

ನ ವೇದಂ ನ ತಪೋ ದಾನಂ ನೋಪವಾಸಾದಿಕಂ ವ್ರತಂ |
ಚಾಂದ್ರಾಯಣಾದಿ ಕೃಚ್ಛಂ ಚ ನ ಕಿಂಚಿನ್ಮಾನಯಾಮ್ಯಹಂ || ೧೦||

ಕಿಂತು ತ್ವಚ್ಚರಣಾಂಭೋಜ ಸೇವಾಂ ಜಾನೇ ಶಿವಾಜ್ಞಯಾ |
ತ್ವದರ್ಚಾ ಕುರ್ವತೋ ದೇವಿ ನಿಂದಾಪಿ ಸಫಲಾ ಮಮ || ೧೧||

ರಾಜ್ಯಂ ತಸ್ಯ ಪ್ರತಿಷ್ಠಾ ಚ ಲಕ್ಷ್ಮೀಸ್ತಸ್ಯ ಸದಾ ಸ್ಥಿರಾ |
ತಸ್ಯ ಪ್ರಭುತ್ವಂ ಸಾಮರ್ಥ್ಯಂ ಯಸ್ಯ ತ್ವಂ ಮಸ್ತಕೋಪರಿ || ೧೨||

ಧನ್ಯೋಽಹಂ ಕೃತಕೃತ್ಯೋಽಹಂ ಸಫಲಂ ಜೀವತಂ ಮಮ |
ಯಸ್ಯ ತ್ವಚ್ಚರಣದ್ವಂದೇ ಮನೋ ನಿವಿಶತೇ ಸದಾ || ೧೩||

ದೈತ್ಯಾಃ ವಿನಾಶಮಾಯಾಂತು ಕ್ಷಯಂ ಯಾಂತು ಚ ದಾನವಾಃ |
ನಶ್ಯಂತು ಪ್ರೇತಕೂಷ್ಮಾಂಡಾ ರಾಕ್ಷಸಾ ಅಸುರಾಸ್ತಥಾ || ೧೪||

ಪಿಶಾಚ ಭೂತ ವೇತಾಲಾಂ ಕ್ಷೇತ್ರಪಾಲಾ ವಿನಾಯಕಾಃ |
ಗುಹ್ಯಕಾಃ ಘೋಣಕಾಶ್ಚೈವ ವಿಲೀಯಂತಾ ಸಹಸ್ರಧಾ || ೧೫||

ಭಾರುಂಡಾ ಜಂಭಕಾಃ ಸ್ಕಾಂದಾಃ ಪ್ರಮಥಾಃ ಪಿತರಸ್ತಥಾ |
ಯೋಗಿನ್ಯೋ ಮಾತರಶ್ಚಾಪಿ ಡಾಕಿನ್ಯಃ ಪೂತನಾಸ್ತಥಾ || ೧೬||

ಭಸ್ಮೀಭವಂತು ಸಪದಿ ತ್ವತ್ ಪ್ರಸಾದಾತ್ ಸುರೇಶ್ವರಿ |
ದಿವಾಚರಾ ರಾತ್ರಿಚರಾ ಯೇ ಚ ಸಂಧ್ಯಾಚರಾ ಅಪಿ || ೧೭||

ಶಾಖಾಚರಾ ವನಚರಾಃ ಕಂದರಾಶೈಲಚಾರಿಣಃ |
ದ್ವೇಷ್ಟಾರೋ ಯೇ ಜಲಚರಾ ಗುಹಾಬಿಲಚರಾ ಅಪಿ || ೧೮||

ಸ್ಮರಣಾದೇವ ತೇ ಸರ್ವೇ ಖಂಡಖಂಡಾ ಭವಂತು ತೇ |
ಸರ್ಪಾನಾಗಾ ಯಾತುಧಾನಾ ದಸ್ಯುಮಾಯಾವಿನಸ್ತಥಾ || ೧೯||

ಹಿಂಸಕಾ ವಿದ್ವಿಷೋ ನಿಂದಾಕರಾ ಯೇ ಕುಲದೂಷಕಾಃ |
ಮಾರಣೋಚ್ಚಾಟನೋನ್ಮೂಲ ದ್ವೇಷ ಮೋಹನ ಕಾರಕಾಃ || ೨೦||

ಕೃತ್ಯಾಭಿಚಾರಕರ್ತಾರಃ ಕೌಲವಿಶ್ವಾಸಘಾತಕಾಃ |
ತ್ವತ್ಪ್ರಸಾದಾಜ್ಜಗದ್ಧಾತ್ರಿ ನಿಧನಂ ಯಾಂತು ತೇಽಖಿಲಾಃ || ೨೧||

ನವಗ್ರಹಾಃ ಸತಿಥಯೋ ನಕ್ಷತ್ರಾಣಿ ಚ ರಾಶಯಃ |
ಸಂಕ್ರಾಂತಯೋಽಬ್ದಾ ಮಾಸಾಶ್ಚ ಋತವೋ ದ್ವೇ ತಥಾಯನೇ || ೨೨||

ಕಲಾಕಾಷ್ಠಾಮುಹುರ್ತಾಶ್ಚ ಪಕ್ಷಾಹೋರಾತ್ರಯಸ್ತಥಾ |
ಮನ್ವತರಾಣಿ ಕಲ್ಪಾಶ್ಚ ಯುಗಾನಿ ಯುಗಸಂಧಯಃ || ೨೩||

ದೇವಲಾಕಾಃ ಲೋಕಪಾಲಾಃಪಿತರೋ ವಹ್ನಯಸ್ತಥಾ |
ಅಧ್ವರಾ ನಿಧಯೋ ವೇದಾಃ ಪುರಾಣಾಗಮಸಂಹಿತಾ || ೨೪||

ಏತೇ ಮಯಾ ಕಾರ್ತಿತಾ ಯೇ ಯೇ ಚಾನ್ಯೇ ನಾನುಕೀರ್ತಿತಾಃ |
ಆಜ್ಞಯಾ ಗುಹ್ಯಕಾಲ್ಯಾಸ್ತೇ ಮಮ ಕುರ್ವಂತು ಮಂಗಲಂ || ೨೫||

ಭವಂತು ಸರ್ವದಾ ಸೌಮ್ಯಾಃ ಸರ್ವಕಾಲಂ ಸುಖಾವಹಾಃ |
ಆರೋಗ್ಯಂ ಸರ್ವದಾ ಮೇಽಸ್ತು ಯುದ್ಧೇ ಚೈವಾಪರಾಜಯಃ || ೨೬||

ದುಃಖಹಾನಿಃ ಸದೈವಾಸ್ತಾಂ ವಿಘ್ನನಾಶಃ ಪದೇ ಪದೇ |
ಅಕಾಲಮೃತ್ಯು ದಾರಿದ್ರ್ಯಂ ಬಂಧನಂ ನೃಪತೇರ್ಭಯಂ || ೨೭||

ಗುಹ್ಯಕಾಲ್ಯಾಃ ಪ್ರಸಾದೇನ ನ ಕದಾಪಿ ಭವೇನ್ಮಮ |
ಸಂತ್ವಿಂದ್ರಿಯಾಣಿ ಸುಸ್ಥಾನಿ ಶಾಂತಿಃ ಕುಶಲಮಸ್ತು ಮೇ || ೨೮||

ವಾಂಛಾಪ್ತಿರ್ಮನಸಃ ಸೌಖ್ಯಂ ಕಲ್ಯಾಣಂ ಸುಪ್ರಜಾಸ್ತಥಾ |
ಬಲಂ ವಿಕ್ತಂ ಯಶಃ ಕಾಂತಿವೃದ್ಧಿರ್ವಿದ್ಯಾ ಮಹೋದಯಃ || ೨೯||

ದೀರ್ಘಾಯುರಪ್ರಧೃಷ್ಯತ್ವಂ ವೀರ್ಯಂ ಸಾಮರ್ಥ್ಯಮೇವ ಚ |
ವಿನಾಶೋ ದ್ವೇಷಕರ್ತೃಣಾಂ ಕೌಲಿಕಾನಾಂ ಮಹೋನ್ನತಿಃ |
ಜಾಯತಾಂ ಶಾಂತಿಪಾಠೇನ ಕುಲವರ್ತ್ಮ ಧೃತಾತ್ಮನಾಂ || ೩೦||

ಇತಿ ಕಾಲ್ಯಾಃ ಶಾಂತಿಸ್ತೋತ್ರಂ ಸಂಪೂರ್ಣಂ |