ಸಂಧ್ಯಾವಂದನ ಮಂತ್ರಾಃ

ಆಪಃ॑ ಪುನಂತು ಪೃಥಿ॒ವೀಂ ಪೃ॑ಥಿ॒ವೀ ಪೂ॒ತಾ ಪು॑ನಾತು॒ ಮಾಮ್ ।
ಪು॒ನಂತು॒ ಬ್ರಹ್ಮ॑ಣ॒ಸ್ಪತಿ॒-ರ್ಬ್ರಹ್ಮ॑ ಪೂ॒ತಾ ಪು॑ನಾತು॒ ಮಾಮ್ ।
ಯದುಚ್ಛಿ॑ಷ್ಟ॒-ಮಭೋ᳚ಜ್ಯಂ॒-ಯಁದ್ವಾ॑ ದು॒ಶ್ಚರಿ॑ತಂ॒ ಮಮ॑ ।
ಸರ್ವಂ॑ ಪುನಂತು॒ ಮಾಮಾಪೋ॑-ಽಸ॒ತಾಂಚ॑ ಪ್ರತಿ॒ಗ್ರಹ॒ಗ್ಗ್॒ ಸ್ವಾಹಾ᳚ ॥

ಅಗ್ನಿಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯು॑ಕೃತೇ॒ಭ್ಯಃ ।
ಪಾಪೇಭ್ಯೋ॑ ರಕ್ಷಂ॒ತಾಮ್ ।
ಯದಹ್ನಾ ಪಾಪ॑ಮಕಾ॒ರ್॒ಷಮ್ ।
ಮನಸಾ ವಾಚಾ॑ ಹಸ್ತಾ॒ಭ್ಯಾಮ್ ।
ಪದ್ಭ್ಯಾ-ಮುದರೇ॑ಣ ಶಿ॒ಶ್ನಾ ।
ಅಹ॒ಸ್ತದ॑ವಲು॒ಪಂತು ।
ಯತ್ಕಿಂಚ॑ ದುರಿ॒ತಂ ಮಯಿ॑ ।
ಇದಮಹ-ಮಾಮಮೃ॑ತ ಯೋ॒ನೌ ।
ಸತ್ಯೇ ಜ್ಯೋತಿಷಿ ಜುಹೋ॑ಮಿ ಸ್ವಾ॒ಹಾ ॥

ಸೂರ್ಯಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯು॑ಕೃತೇ॒ಭ್ಯಃ ।
ಪಾಪೇಭ್ಯೋ॑ ರಕ್ಷಂ॒ತಾಮ್ ।
ಯದ್ರಾತ್ರಿಯಾ ಪಾಪ॑ಮಕಾ॒ರ್॒ಷಮ್ ।
ಮನಸಾ ವಾಚಾ॑ ಹಸ್ತಾ॒ಭ್ಯಾಮ್ ।
ಪದ್ಭ್ಯಾಮುದರೇ॑ಣ ಶಿ॒ಶ್ನಾ ।
ರಾತ್ರಿ॒-ಸ್ತದ॑ವಲು॒ಪಂತು ।
ಯತ್ಕಿಂಚ॑ ದುರಿ॒ತಂ ಮಯಿ॑ ।
ಇದಮಹ-ಮಾಮಮೃ॑ತ ಯೋ॒ನೌ ।
ಸೂರ್ಯೇ ಜ್ಯೋತಿಷಿ ಜುಹೋ॑ಮಿ ಸ್ವಾ॒ಹಾ ॥