ಹೇ ಆನಂದಮಯಿ

ಹೇ ಆನಂದಮಯಿ ನೀ ಎನ್ನ
ನಿರಾನಂದ ಗೈಯದಿರು ||

ನಿನ್ನ ಪಾದವನುಳಿದು ಅನ್ಯದಾವುದನು
ಎನ್ನಯ ಮನವು ಕಾಣದು ತಾಯಿ
ಮೃತ್ಯುವು ಬಂದಿಲ್ಲಿ ಸಿಡಿಗುಟ್ಟುತಿಹನು
ತಪ್ಪೆನ್ನದೇನೋ ಅರಿಯೆನು ನಾನು ||

ಭವಾನಿಯೆನ್ನುತ ಭವವ ದಾಟುವೆ
ಎನ್ನುವ ಆಸೆಯು ಇದ್ದಿತು ಮನದಿ |
ತುಂಬಿದ ಕಡಲೊಳು ಮುಳುಗಿಪೆ ಎಂಬುದ
ಕಂಡವನಲ್ಲ ನಾ ಕನಸಿನಲೂ ||

ಹಗಲಿರುಳು ಶ್ರೀದುರ್ಗಾನಾಮವ ನೆಚ್ಚಿ
ತೇಲುತಲಿದ್ದರೂ ತಪ್ಪದೀ ದುಃಖವು |
ಈ ಬಾರಿ ನಾನಿಲ್ಲಿ ಮುಳುಗಿದರಂತೂ
ಜಪಿಸರು ಇನ್ನಾರೂ ನಿನ್ನಯ ನಾಮವ ||