ಬ್ರಹ್ಮಸೂತ್ರಗಳು - ಪ್ರಥಮೋಧ್ಯಾಯಃ - ಪ್ರಥಮಃ ಪಾದಃ

ಅಥಾತೋ ಬ್ರಹ್ಮಜಿಜ್ಞಾಸಾ || 1 ||

ಜನ್ಮಾದ್ಯಸ್ಯ ಯತಃ || 2 ||

ಶಾಸ್ತ್ರಯೋನಿತ್ವಾತ್ || 3 ||

ತತ್ತು ಸಮನ್ವಯಾತ್ || 4 ||

ಈಕ್ಷತೇರ್ನಾಶಬ್ದಮ್ || 5 ||

ಗೌಣಶ್ಚೇನ್ನಾತ್ಮಶಬ್ದಾತ್ || 6 ||

ತನ್ನಿಷ್ಠಸ್ಯ ಮೋಕ್ಷೋಪದೇಶಾತ್ || 7 ||

ಹೇಯತ್ವಾವಚನಾಚ್ಚ || 8 ||

ಸ್ವಾಪ್ಯಯಾತ್ || 9 ||

ಗತಿಸಾಮಾನ್ಯಾತ್ || 10 ||

ಶ್ರುತತ್ವಾಚ್ಚ || 11 ||

ಆನನ್ದಮಯೋಭ್ಯಾಸಾತ್ || 12 ||

ವಿಕಾರಶಬ್ದಾನ್ನೇತಿ ಚೇನ್ನ ಪ್ರಾಚುರ್ಯಾತ್ || 13 ||

ತದ್ಧೇತುವ್ಯಪದೇಶಾಚ್ಚ || 14 ||

ಮಾನ್ತ್ರವರ್ಣಿಕಮೇವ ಚ ಗೀಯತೇ || 15 ||

ನೇತರೋನುಪಪತ್ತೇಃ || 16 ||

ಭೇದವ್ಯಪದೇಶಾಚ್ಚ || 17 ||

ಕಾಮಾಚ್ಚ ನಾನುಮಾನಾಪೇಕ್ಷಾ || 18 ||

ಅಸ್ಮಿನ್ನಸ್ಯ ಚ ತದ್ಯೋಗಂ ಶಾಸ್ತಿ || 19 ||

ಅನ್ತಸ್ತದ್ಧರ್ಮೋಪದೇಶಾತ್ || 20 ||

ಭೇದವ್ಯಪದೇಶಾಚ್ಚಾನ್ಯಃ || 21 ||

ಆಕಾಶಸ್ತಲ್ಲಿಙ್ಗಾತ್ || 22 ||

ಅತ ಏವ ಪ್ರಾಣಃ || 23 ||

ಜ್ಯೋತಿಶ್ಚರಣಾಭಿಧಾನಾತ್ || 24 ||

ಛನ್ದೋಭಿಧಾನಾನ್ನೇತಿ ಚೇನ್ನ ತಥಾ ಚೇತೋರ್ಪಣನಿಗದಾತ್ತಥಾ ಹಿ ದರ್ಶನಮ್ || 25 ||

ಭೂತಾದಿಪಾದವ್ಯಪದೇಶೋಪಪತ್ತೇಶ್ಚೈವಮ್ || 26 ||

ಉಪದೇಶಭೇದಾನ್ನೇತಿ ಚೇನ್ನೋಭಯಸ್ಮಿನ್ನಪ್ಯವಿರೋಧಾತ್ || 27 ||

ಪ್ರಾಣಸ್ತಥಾನುಗಮಾತ್ || 28 ||

ನ ವಕ್ತುರಾತ್ಮೋಪದೇಶಾದಿತಿ ಚೇದಧ್ಯಾತ್ಮಸಮ್ಬನ್ಧಭೂಮಾ ಹ್ಯಸ್ಮಿನ್ || 29 ||

ಶಾಸ್ತ್ರದೃಷ್ಟ್ಯಾ ತೂಪದೇಶೋ ವಾಮದೇವವತ್ || 30 ||

ಜೀವಮುಖ್ಯಪ್ರಾಣಲಿಙ್ಗಾನ್ನೇತಿ ಚೇನ್ನೋಪಾಸಾತ್ರೈವಿಧ್ಯಾದಾಶ್ರಿತತ್ವಾದಿಹ ತದ್ಯೋಗಾತ್ || 31 ||