ಬ್ರಹ್ಮಸೂತ್ರಗಳು - ದ್ವಿತೀಯೋಧ್ಯಾಯಃ - ಚತುರ್ಥಃ ಪಾದಃ

ತಥಾ ಪ್ರಾಣಾಃ || 1 ||

ಗೌಣ್ಯಸಮ್ಭವಾತ್ || 2 ||

ತತ್ಪ್ರಾಕ್ಶ್ರುತೇಶ್ಚ || 3 ||

ತತ್ಪೂರ್ವಕತ್ವಾದ್ವಾಚಃ || 4 ||

ಸಪ್ತ ಗತೇರ್ವಿಶೇಷಿತತ್ವಾಚ್ಚ || 5 ||

ಹಸ್ತಾದಯಸ್ತು ಸ್ಥಿತೇತೋ ನೈವಮ್ || 6 ||

ಅಣವಶ್ಚ || 7 ||

ಶ್ರೇಷ್ಠಶ್ಚ || 8 ||

ನ ವಾಯುಕ್ರಿಯೇ ಪೃಥಗುಪದೇಶಾತ್ || 9 ||

ಚಕ್ಷುರಾದಿವತ್ತು ತತ್ಸಹಶಿಷ್ಟ್ಯಾದಿಭ್ಯಃ || 10 ||

ಅಕರಣತ್ವಾಚ್ಚ ನ ದೋಷಸ್ತಥಾಹಿ ದರ್ಶಯತಿ || 11 ||

ಪಞ್ಚವೃತ್ತಿರ್ಮನೋವದ್ವ್ಯಪದಿಶ್ಯತೇ || 12 ||

ಅಣುಶ್ಚ || 13 ||

ಜ್ಯೋತಿರಾದ್ಯಧಿಷ್ಠಾನಂ ತು ತದಾಮನನಾತ್ || 14 ||

ಪ್ರಾಣವತಾ ಶಬ್ದಾತ್ || 15 ||

ತಸ್ಯ ಚ ನಿತ್ಯತ್ವಾತ್ || 16 ||

ತ ಇನ್ದ್ರಿಯಾಣಿ ತದ್ವ್ಯಪದೇಶಾದನ್ಯತ್ರ ಶ್ರೇಷ್ಠಾತ್ || 17 ||

ಭೇದಶ್ರುತೇಃ || 18 ||

ವೈಲಕ್ಷಣ್ಯಾಚ್ಚ || 19 ||

ಸಂಜ್ಞಾಮೂರ್ತಿಕ್ಲೃಪ್ತಿಸ್ತು ತ್ರಿವೃತ್ಕುರ್ವತ ಉಪದೇಶಾತ್ || 20 ||

ಮಾಂಸಾದಿ ಭೌಮಂ ಯಥಾಶಬ್ದಮಿತರಯೋಶ್ಚ || 21 ||

ವೈಶೇಷ್ಯಾತ್ತು ತದ್ವಾದಸ್ತದ್ವಾದಃ || 22 ||