ಸೃಷ್ಟಿಯೊಳಧಿಕನು ಮಾನವನು

ಸೃಷ್ಟಿಯೊಳಧಿಕನು ಮಾನವನು
ದೇವಾಸುರಗಂಧರ್ವರಿಗಿಂತಲೂ
ಮಾನವ ಜನ್ಮ ಮಿಗಿಲು ||

ದಿವ್ಯತೆ ಅವನೊಳಗಡಗಿಹುದು
ಅದುವೆ ಅವನ ನಿಜತಿರುಳು |
ಪಾಪಿಯು ಅವನೆಂಬುದೆ ಪಾಪವು
ಅಮೃತಾನಂದದ ಪಾಲವನು ||

ದಿವ್ಯತೆ ಹೊರಸೂಸುವುದೇ ಗುರಿಯು
ಮುಕುತಿಯ ಧಾಮದ ದ್ವಾರವದು |
ಜ್ಞಾನಕರ್ಮಗಳು ಭಕ್ತಿಯೋಗಗಳು
ಗುರಿಸಾಧನೆಗಿವು ದಿಟಮಾರ್ಗಗಳು ||

ಗ್ರಂಥ ಹೋಮ ಪೂಜಾದಿಗಳೆಲ್ಲವು
ತಿಳಿಯಿರಿ ಗೌಣದ ವಿಷಯಗಳು |
ಜೀವಸೇವೆಯೇ ಪರಶಿವ ಸೇವೆ
ಭವಸಾಗರವನೆ ದಾಟುವ ನಾವೆ ||