ಶ್ರೀ ಶಾರದಾ-ಸುಪ್ರಭಾತಮ್

ಮಾತಃ ಸಮಸ್ತಜಗತಾಂ ಪರಮಸ್ಯ ಪುಂಸಃ
ಶಕ್ತಿಸ್ವರೂಪಿಣಿ ಶಿವೇ ಕರುಣಾರ್ದ್ರಚಿತ್ತೇ |
ಲೋಕಸ್ಯ ಶೋಕಶಮನಾಯ ಕೃತಾವತಾರೇ
ಶ್ರೀಶಾರದೇsಸ್ತು ಶಿವದೇ ತವ ಸುಪ್ರಭಾತಮ್ ||

ಬಾಲ್ಯೇ ಭವಸ್ಯ ತಮಸಃ ಪರಿಹಾರಯಿತ್ರೇ
ಲೀಲಾ ಮನುಷ್ಯವಪುಷೇಥ ಗದಾಧರಾಯ |
ದತ್ತೇ ತದರ್ಪಿತಧಿಯಾssಪ್ತಸಮಸ್ತವಿದ್ಯೇ
ಶ್ರೀಶಾರದೇಸ್ತು ಶುಭದೇ ತವ ಸುಪ್ರಭಾತಮ್ ||

ಬಾಲ್ಯಾತ್ ಪರೇ ವಯಸಿ ಭರ್ತರಿ ಸಂಪ್ರವೃತ್ತಾಮ್
ಉನ್ಮತ್ತ ಇತ್ಯನುಚಿತಾಮವಧೂಯ ವಾರ್ತಾಮ್ |
ತದ್ದರ್ಶನಕ್ರಮಿತದುರ್ಗಮದೂರಮಾರ್ಗೆ
ಶ್ರೀರಾಮಕೃಷ್ಣದಯಿತೇ ತವ ಸುಪ್ರಭಾತಮ್ ||

ಸಂನ್ಯಾಸಿನಂ ಪತಿಮವೇಕ್ಷ್ಯ ಚ ನೋದ್ವಿಜಾನೆ
ಸೇವಾರ್ಪಿತತ್ರೀಕರಣೇ ಪರಿಶುದ್ಧಚಿತ್ತೇ |
ತತ್ಸಾಧನಾಚರಮಸೀಮ್ನಿ ಸಮರ್ಪಿತಾಂಘ್ರೆ
ಶ್ರೀ ರಾಮಕೃಷ್ಣಪರಮೇಶ್ವರಿ ಸುಪ್ರಭಾತಮ್ ||

ಯಾಮೇವ ಚಾತ್ಮಜನನೀಂ ಭವತಾರಿಣೀಂ ಚ
ಸೇವಾಪರಾಂ ತು ಬುಬುಧೇ ಗುರುರಸ್ತಭೇದಃ |
ತಸ್ಯಾಸ್ಸಮಸ್ತಜಗತೋsಸ್ಯ ಶರಣ್ಯಮೂರ್ತೆೇಃ
ಶ್ರೀ ರಾಮಕೃಷ್ಣದಯಿತೇ ತವ ಸುಪ್ರಭಾತಮ್ ||

ಆವೃಣ್ವತೀ ಪರಮಿಕಾಂ ಪ್ರಕೃತಿಂ ಸ್ವಕೀಯಾಂ
ಸಂಸಾರಿಣೀವ ಬಹುದುಃಖಜಲೇ ಭವಾಬ್ದೌ|
ಸರ್ವಂಸಹೇ ಶ್ರಿತಜನೋದ್ಧರಣೈಕದೀಕ್ಷೇ
ಶ್ರೀ ರಾಮಕೃಷ್ಣದಯಿತೇ ತವ ಸುಪ್ರಭಾತಮ್ ||

ಗೇಹಸ್ಯ ಮಾರ್ಜನವಿಧೌ ಮಮ ಕರ್ಮಶಾಂತಿಂ
ನಾಯಾತ್ಯಸಂಖ್ಯಭುಜನಿಷ್ಕ್ರಿಯಮಾಣಮೇವಮ್ |
ಆಕಸ್ಮಿಕೋಕ್ತೀವಿವೃತಾಖಿಲಶಕ್ತಿರೂಪೇ
ಶ್ರೀ ರಾಮಕೃಷ್ಣದಯಿತೇ ತವ ಸುಪ್ರಭಾತಮ್ ||

ಶ್ರೀ ರಾಮಕೃಷ್ಣದಯಿತೇ ತದಧೀನಸತ್ತ್ವೇ
ತದ್ಭಕ್ತವೃಂದಪರಿಪಾಲಿನಿ ಮುಕ್ತಿದಾತ್ರಿ |
ತದ್ಭಾವರಕ್ತಹೃದಯೇ ತದಭಿನ್ನತತ್ತ್ವೇ
ಶ್ರೀ ರಾಮಕೃಷ್ಣದಯಿತೇ ತವ ಸುಪ್ರಭಾತಮ್ ||