ಶ್ರೀ ವಿವೇಕಾನಂದ-ಪ್ರಭಾತ-ಪ್ರಾಂಜಲಿಃ
Category: ಶ್ರೀಸ್ವಾಮಿ ವಿವೇಕಾನಂದ
Author: ಸ್ವಾಮಿ ಹರ್ಷಾನಂದ
ಸಮಾಧಿಸ್ಥಃ ಶಿವಃ ಸ್ವಲೋಕೇ ನಿರ್ಭರಂ
ಜನಾನಾಂ ಕ್ರಂದನಾದ್ ಭವಾಗ್ನೌ ಭೀಷಣೇ |
ಪ್ರದಗ್ದನಾಂ ಪ್ರಬೋಧಿತಸ್ತ್ವಂ ಹ್ಯಾಗತಃ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ನರೇಂದ್ರಃ ಶೈಶವೇ ನರೇಂದ್ರೋ ಯೌವನೇ
ನರೇಂದ್ರಃ ಕ್ರೀಡನೇ ನರೇಂದ್ರಃ ಶಿಕ್ಷಣೇ |
ನರೇಂದ್ರಃ ಪಾಲನೇ ನರೇಂದ್ರೋ ಹ್ಯರ್ಪಣೇ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಹರೀಂದ್ರಶ್ಚೇಷ್ಟಿತೈಃ ಕಲಾಜ್ಞೋ ಗಾಯನೈಃ
ಪರಿಜ್ಞಾನೈರ್ಬುಧೋ ಮಹರ್ಷಿರ್ದರ್ಶನೈಃ|
ಯತಿಂದ್ರೋsಸಕ್ತಿಭಿರ್ಭವಾನ್ ಯನ್ನಾಸ್ತಿ ಕಿಂ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಮುಮುಕ್ಷಾ ದರ್ಶಿತಾsಭಿಹಂಸಂ ಧಾವನೈಃ
ವಿನೈಕಾಂ ಪಾದುಕಂ ನಿತಾಂತೋನ್ಮತ್ತವತ್ |
ಸಮಾನಾಂ ದೇಹಿ ಮೇ ಮುಮುಕ್ಷಾಂ ಮದ್ಗುರೋ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಗುರೋರಂಘ್ರ್ಯುತ್ಪಲೇ ಸ್ವಮಾತ್ಮಾನಂ ದದೌ
ಪರೀಕ್ಷ್ಯಾನಂತರಂ ಬಹುಪ್ರಶ್ನೈರ್ಭೃಶಮ್ |
ವಿಶುದ್ಧ್ಯೆಸ್ಸೇವನೈರ್ಭವಾಂಸ್ತ್ವಮ್ ಪಿಪ್ರಿಯೇ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಸುಗಂಧಃ ಶ್ರೀ ಗುರುರ್ಭವಾನ್ ವಾಯುಃ ಖಲು
ಸ ತೂರ್ಯಂ ತ್ವಂ ಚ ಭೋ ಮಹೋಚ್ಚ್ವೈರ್ಘೋಷಕಃ |
ಗುರುಃ ಸೂರ್ಯಾಸ್ತು ಹೇ ಕಿಲಾದರ್ಶೊ ಭವಾನ್
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಸ್ವಧರ್ಮ ಶ್ರೇಷ್ಠತಾಂ ಸಗರ್ವಂ ಶಂಸತಾಂ
ಜನಾನಾಂ ಧೃಷ್ಟತಾ ತ್ವಯೈವಾಭಾಜ್ಯಹೋ |
ಸ್ವಧರ್ಮೋ ವೈದಿಕೋ ಹ್ಯನರ್ಘೊ ದರ್ಶಿತಃ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಸ್ಫುಲಿಂಗಾನ್ ಸ್ಫೋಟಯನ್ ಸುದೀಪ್ತಾಗ್ನಿರ್ಯಥಾ
ತಥೈವ ತ್ವಂ ಯತೇ ವಿಕೀರ್ಯಾಮಾನುಷೀಮ್ |
ಪರಿಜ್ಞಾನಪ್ರಭಾಮಚಾರೀರ್ಭಾರತೇ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಆಹೋ ಆಕರ್ಷಣಂ ತಾವಾಸ್ಯಸ್ಯಾತುಲಂ
ತವಾಹೋ ಪೌರುಷಂ ವಿರಾಗೋ ಮುಗ್ಧತಾ |
ಪ್ರಗಾಢಂ ಪ್ರೇಮ ಚ ಹ್ಯಗಾಧಾಂ ವೇದನಂ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ವಿಮೋಕ್ಷಂ ಸ್ವಾತ್ಮನಶ್ಚತುರ್ಯೋಗಾಧ್ವಭಿಃ
ಪೃಥಗ್ವಾ ಸಂಹತೈೆರ್ಹಿತಂ ಲೋಕಸ್ಯ ಚ।
ತವಾಜ್ಞಾ ಸಾಧಯೇದಿತಿ ಪ್ರೀತ್ಯಾ ನರಃ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಯತೇನೂರುಸ್ತವ ಪ್ರಣಾಮಂ ದಾಸ್ಯತಿ
ಪ್ರಪುಲ್ಲಂ ಷಟ್ಪದೈಃ ಪ್ರಸೂನಂ ಪ್ರಾವೃತಮ್ |
ತವಾರ್ಥಂ ಕೋಕಿಲೋ ಮನೋಜ್ಞಂ ಕೂಜತಿ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಉಷಃಕಾಲೇ ಪದೇ ನಮಸ್ಕೃತ್ಯಾಶಿಷಾ
ಲಭೇರನ್ ಧನ್ಯತಾಮಿತಿ ಶ್ರದ್ಧಾಲವಃ |
ಸಮೇತಾಸ್ಸಂಮುಖೇ ದದೇಥಾ ದರ್ಶನಂ
ವಿವೇಕಾನಂದ ತೇ ಪ್ರಭಾತೇ ಪ್ರಾಂಜಲಿಃ ||
ಹಿಮಾದ್ರೇರಾಶ್ರಮೇ ಜಯಂತ್ಯಾಂ ನಿರ್ಮಿತಃ
ಭುಜಂಗಸ್ರಗ್ವಿಣೀತೀವೃತ್ತೇ ನೂತನೇ |
ಸ್ತವೋಯಂ ಯಃ ಪಠೇತ್ ಸಭಕ್ತ್ಯಾ ತಂ ನರಃ
ಸ ಶಕ್ತಿಂ ಪೌರುಷಂ ವಿರಾಗಂ ಚಾರ್ಜತಿ ||
Advertisements
