ಶ್ರೀರಾಮಕೃಷ್ಣಪ್ರಪತ್ತಿಃ

ಆಕಾರಶೂನ್ಯಂ ತ್ರಿಗುಣೈರ್ವಿಹೀನಮ್
ಓಂಕಾರವೇದ್ಯಂ ಪರಮಂ ಪವಿತ್ರಮ್ |
ಪ್ರಪಂಚಕಾರಂ ಪರಿಪೂರ್ಣರೂಪಂ
ಶ್ರೀರಾಮಕೃಷ್ಣಂ ಶರಣಂ ಪ್ರಪದ್ಯೇ ||

ತಿಲೇಷು ತ್ಯೆಲಂ ದಧನೀವ ಸರ್ಪಿಃ
ವ್ಯಾಪ್ತಂ ಚ ವಿಶ್ವೇ ಪರಮಂ ನಿಧಾನಮ್ |
ಸರ್ವಸ್ಯ ಸಂಸ್ಥಂ ಹೃದಯಪ್ರದೇಶೇ
ಶ್ರೀರಾಮಕೃಷ್ಣಂ ಶರಣಂ ಪ್ರಪದ್ಯೇ ||

ಧರ್ಮಸ್ಯ ವೃದ್ಧ್ಯೈ ಸುಜನಸ್ಯ ಮುಕ್ತ್ಯೈ
ದುಷ್ಟಪ್ರಜಾಯಾಃ ಪರಿವರ್ತನಾಯ |
ವಿಶ್ವೇವತೀರ್ಣಂ ಸಮತೀತಮಾಯಂ
ಶ್ರೀರಾಮಕೃಷ್ಣಂ ಶರಣಂ ಪ್ರಪದ್ಯೇ ||

ದೀಪ್ತಾನನಂ ತಂ ಪರಿಪೂರ್ಣಬೋಧಂ
ಸದಾ ಸಮಾಧೌ ಪರಿಮಗ್ನಚಿತ್ತಮ್ |
ಕೃಪಾಭಿಪೂರ್ಣಂ ಪ್ರತಿ ತಪ್ತಲೋಕಂ
ಶ್ರೀರಾಮಕೃಷ್ಣಂ ಶರಣಂ ಪ್ರಪದ್ಯೇ ||

ಮೃದಂ ಸುವರ್ಣಂ ಪ್ರತಿಪದ್ಯ ತುಲ್ಯಮ್
ನಾರೀಷು ಮಾತುಸ್ಸಮವಾಪ್ಯ ಭಾವಮ್ |
ತದ್ಬೋಧಯಂತಂ ಚ ಹಿತಾಯ ನೃಣಾಮ್
ಶ್ರೀರಾಮಕೃಷ್ಣಂ ಶರಣಂ ಪ್ರಪದ್ಯೇ ||

ಗಂಗಾಸು ಸಿಕ್ತಂ ಮಲಿನಾಂಬು ಶುದ್ಧಂ
ರಸೇಂದ್ರಸಕ್ತೇರಯ ಏವ ರುಕ್ಮಮ್ |
ಪಾಪಿಷ್ಠಮೇವಂ ವಿಪುನಾತಿ ಯಸ್ತಂ
ಶ್ರೀರಾಮಕೃಷ್ಣಂ ಶರಣಂ ಪ್ರಪದ್ಯೇ ||

ಪಾಂಡಿತ್ಯಪೂರ್ಣಾಃ ಕಠಿನೈರ್ವಚೋಭಿಃ
ಯದ್ಬೋಧಯಂತೇ ಶೃತಿಸಾರಭೂತಮ್ |
ಯೇನೈವ ತತ್ತ್ವಂ ಸುಗಮಾಯಿತಂ ತಂ
ಶ್ರೀರಾಮಕೃಷ್ಣಂ ಶರಣಂ ಪ್ರಪದ್ಯೇ ||

ದುರ್ಜ್ಞೇಯರೂಪಶ್ಶಿಶುವದ್ವಿಭಾತಿ
ಸರ್ವಜ್ಞಮೂರ್ತಿಸ್ತ್ವನಧೀತಶಾಸ್ತ್ರಃ |
ದೇವಾಧಿದೇವೋಪಿ ನರತ್ವಮಾಪ್ತಂ
ಶ್ರೀರಾಮಕೃಷ್ಣಂ ಶರಣಂ ಪ್ರಪದ್ಯೇ ||