ಭಜಯತಿರಾಜಸ್ತೋತ್ರದಿಂದ
Category: ಶ್ರೀರಾಮಾನುಜಾಚಾರ್ಯ
Author: ಕೌಂಡಿನ್ಯ ರಂಗಾರ್ಯ
ಭಜ ಯತಿರಾಜಂ ಭಜ ಯತಿರಾಜಂ
ಭಜ ಯತಿರಾಜಂ ಭವಭೀರೋ |
ಭಜ ಯತಿರಾಜಂ ಭಜ ಯತಿರಾಜಂ
ಭಜ ಯತಿರಾಜಂ ಭವಭೀರೋ ||
ಶ್ರೀರಂಗೇಶಜಯಾಶ್ರಯಕೇತುಃ
ಶ್ರಿತಜನಸಂರಕ್ಷಣಜೀವಾತುಃ |
ಭವಭಯಜಲಧೇರೇಷ ಹಿ ಸೇತುಃ
ಪದ್ಮಾನೇತುಃ ಪ್ರಣತೌ ಹೇತುಃ ||
ಆದೌ ಜಗದಾಧಾರಶ್ಯೇಷಃ
ತದನುಸುಮಿತ್ರಾನಂದನವೇಷಃ |
ತದುಪರಿಧೃತಹಲಮುಸಲವಿಶೇಷಃ
ತದನಂತರಮಭವದ್ಗುರುರೇಷಃ ||
ನಷ್ಟೇ ನಯನೇ ಕಸ್ಯಾಲೋಕಃ
ಚಿತ್ತೇ ಮತ್ತೇ ಕಸ್ಯ ವಿವೇಕಃ |
ಕ್ಷೀಣೇ ಪುಣ್ಯೇ ಕಸ್ಸುರಲೋಕಃ
ಕಾಮೇ ಧೂತೇ ಕಸ್ತವಶೋಕಃ ||
ಮಂತ್ರದ್ರವ್ಯವಿಶುದ್ಧೋ ಯಾಗಃ
ಸರ್ವಾರಂಭವಿರಾಗಸ್ತ್ಯಾಗಃ |
ಕರ್ತುಂ ಶಕ್ಯೋ ನ ಕಲೌ ಯೋಗಃ
ಕಿಂತು ಯತೀಶಗುಣಾಮೃತಭೋಗಃ ||
ಮನುಜಪತಿಂ ವಾ ದಿಗಧಿಪತಿಂ ವಾ
ಜಲಜಭವಂ ವಾ ಜಗದಧಿಪಂ ವಾ |
ಮಮತಾsಹಂಕೃತಿಮಲಿನೋ ಲೋಕಃ
ನಿಂದತಿ ನಿದಂತಿ ನಿಂದತ್ಯೇವ ||
ಪಾಪಹತೋ ವಾ ಪುಣ್ಯಯುತೋ ವಾ
ಸುರನರತಿರ್ಯಗ್ಜಾತಿಗತೋ ವಾ |
ರಾಮಾನುಜಪದತೀರ್ಥಾನ್ಮುಕ್ತಿಂ
ವಿಂದತಿ ವಿಂದತಿ ವಿಂದತ್ಯೇವ ||
ಕಾಷಾಯಾಂಬರಕವಚಿತಗಾತ್ರಂ
ಕಲಿತಕಮಂಡಲುದಂಡಪವಿತ್ರಮ್ |
ವಿಧೃತಶಿಖಾಹರಿಣಾಜಿನಸೂತ್ರಂ
ವ್ಯಾಖ್ಯಾತದ್ವೈಪಾಯನ ಸೂತ್ರಮ್ ||
ಸಂತ್ಯಜ ಸಕಲಮುಪಾಯಾಚರಣಂ
ವ್ರಜ ರಾಮಾನುಜಚರಣೌ ಶರಣಂ |
ಪಶ್ಯಸಿ ತಮಸಃ ಪಾರಂ ನಿತ್ಯಂ
ಸತ್ಯಂ ಸತ್ಯಂ ಪುನರಪಿಸತ್ಯಮ್ ||
Advertisements
