ಗುರು ವಾದಿರಾಜ ರವಿಕೋಟಿ

ಗುರು ವಾದಿರಾಜ ರವಿಕೋಟಿ ತೇಜಾ
ಶರಣೆಂಬೆನಯ್ಯಾ ಸತತಗೇಯಾ

ನಂಬಿದೆನು ನಿನ್ನ ದಯ ಸಂಪನ್ನ
ಸಂಭ್ರಮದಲ್ಲೆನ್ನ ಪೊರೆಯೊ ಪ್ರಸನ್ನ ||1||

ವೇದಶಾಸ್ತ್ರ ಬಲ್ಲ ಭಳಿರೆ ಮಲ್ಲ
ಭೇದ e್ಞÁನವೆ ಎಂಬೊ ನಿಜವೆಂಬ ಫಲ ||2||

ಮಾಯಿಗಳ ವದ್ದ ಮಮತಾ ಗೆದ್ದ
ಗಾಯನ ಪ್ರಸಿದ್ಧ ಗುಣದಲಿ ಇದ್ದ ||3||

ನಾನಾ ಚಾರಿತ್ರ ತೋರಿದ ಮಿತ್ರ
ಧೇನಿಸಿ ಸಿರಿ ಹರಿಯ ಗಾತ್ರದೊಳಿಟ್ಟ ಪಾತ್ರ||4||

ಸಂತತ ವಿರಕ್ತ ಜೀವನ ಮುಕ್ತಾ
ಸಂತಾರಿ ಸುಶಕ್ತಾ ಹರಿನಾಮ ಭೋಕ್ತಾ ||5||

ಸ್ವಾದಿಪುರವಾಸ ಸಾಧುಗುಣ ಭಾಸಾ
ಸದ್ಭಕುತ ಪೋಪ ಮಧ್ವಮುನಿಯ ದಾಸಾ ||6||

ವಿಜಯವಿಠ್ಠಲನ್ನ ನೆನೆಸುವ ಘನ್ನ ಹರಿ
ತ್ರಿಜಗ ಹಯವದನನ್ನ ಪರನೆಂಬೊ ಪೂರ್ಣಿ||7||